|
സംസ്ഥാന സര്‍ക്കാരില്‍ നിന്നുള്ള മറ്റു ധനസഹായങ്ങള്‍ |
| 1. ഭവന നിര്‍മ്മാണത്തിന് ധനസഹായം
യുദ്ധം, സൈനിക ഓപ്പറേഷന്‍ എന്നിവയുടെ ഭാഗമായി ശാരീരിക പരിമിതിമൂലം ബോര്‍ഡ്‌ ഔട്ട്‌ ചെയ്യപ്പെട്ട സൈനികര്‍/ സൈനികസേവനത്തിലിരിക്കെ മരണപ്പെട്ട സൈനികരുടെ വിധവകള്‍/ സൈനിക സേവനത്തിലിരിക്കെ ഡ്യൂട്ടിക്കിടെ സംഭവിച്ച അപകടം കാരണം ബോര്‍ഡ്‌ ഔട്ട്‌ ആയ സൈനികര്‍/ സേവനത്തിലിരിക്കെ സേവനത്തിന്റെ ഭാഗമായുള്ള ചുറ്റുപാടുകളില്‍ നിന്ന് സംഭവിച്ചതോ അത് കാരണം അധികരിച്ചതോ ആയ അസുഖങ്ങള്‍ കാരണം ബോര്‍ഡ്‌ ഔട്ട്‌ ആയ സൈനികര്‍/ ട്രെയിനിംഗിനിടെ ശാരീരിക പരിമിതി കാരണം ഡിസബിലിറ്റി പെന്‍ഷനോട് കൂടി ബോര്‍ഡ്‌ ഔട്ട്‌ ആയ റിക്രൂട്ടുകള്‍/ ഇവരുടെ ആഭാവത്തില്‍ ഭവനരഹിതരായ, 60 വയസ്സില്‍ താഴെ പ്രായമുള്ള വിമുക്തഭടന്മാര്‍ എന്നിവര്‍ക്ക് സ്വന്തമായി വീടില്ലെങ്കില്‍ ഭവന നിര്‍മ്മാണത്തിന് ധനസഹായമായി 2 ലക്ഷം രൂപ നല്‍കി വരുന്നു. അപേക്ഷിക്കാനുള്ള വാര്‍ഷിക വരുമാന പരിധി 3 ലക്ഷം രൂപ. അപേക്ഷ ജില്ലാ സൈനിക ഓഫീസുകളില്‍ മരണപ്പെട്ട് /പിരിഞ്ഞ് വന്ന് 5 വര്‍ഷത്തിനകം നല്‍കേണ്ടതാണ്. യുദ്ധത്തില്‍ മരണപ്പെട്ട സൈനികരുടെ വിധവകള്‍ക്കും അംഗ വൈകല്യം സംഭവിച്ച് ബോര്‍ഡ്‌ ഔട്ട്‌ ചെയ്യപ്പെട്ട സൈനികര്‍ക്കും വരുമാനപരിധി ബാധകമല്ല. |
|
2. ധീരതാപുരസ്ക്കാരങ്ങള്‍ ലഭിച്ചവര്‍ക്ക് ക്യാഷ് അവാര്‍ഡ്‌ ധീരതയ്ക്ക് ബഹുമതി പുരസ്കാരങ്ങള്‍ ലഭിച്ച കേരളീയര്‍ക്ക് സംസ്ഥാന സര്‍ക്കാരില്‍ നിന്ന് ക്യാഷ് അവാര്‍ഡ്‌ നല്‍കുന്നു. പരമവീര ചക്രം മുതല്‍ മെന് ഷന്‍-ഇന്‍-ഡസ്പാച്ച് വരെ ലഭിക്കുന്നവര്‍ക്ക് ഈ ആനുകൂല്യം നല്കിവരുന്നു. |
| 3. നോണ്‍ ഗ്യാലന്ററി അവാര്‍ഡ്‌ ജേതാക്കള്‍ക്ക് ക്യാഷ് അവാര്‍ഡ്‌
പരംവിശിഷ്ട സേവാ മെഡല്‍, അതിവിശിഷ്ട സേവാ മെഡല്‍, വിശിഷ്ട സേവാ മെഡല്‍ ലഭിച്ചവര്‍ക്ക് സംസ്ഥാന സര്‍ക്കാരില്‍ നിന്നും യഥാക്രമം 100,000/-, 50,000/-, 25,000/- രൂപ വീതം ഒറ്റത്തവണ ക്യാഷ് അവാര്‍ഡായി നല്‍കുന്നു |
| 4. പ്രാദേശിക സേനാ മെഡല്‍ ജേതാക്കള്‍ക്ക് ക്യാഷ് അവാര്‍ഡ്‌
പ്രാദേശിക സേനാ (Territorial Army) വിഭാഗങ്ങളിലെ ടി.എ. ഡക്കറേഷന്‍ /ടി.എ മെഡല്‍ സൈനികര്‍ക്ക് 5,000/- രൂപ ക്യാഷ് അവാര്‍ഡ്‌ നല്‍കുന്നു. |
| 5. മുഖ്യമന്ത്രിയുടെ സൈനിക ക്ഷേമനിധി
യുദ്ധത്തിലോ, യുദ്ധസമാന സാഹചര്യങ്ങളിലോ, സൈനിക സേവനത്തിനിടക്ക് കൊല്ലപ്പെടുന്ന, കാണാതാകുന്ന, അംഗവൈകല്യം സംഭവിക്കുന്ന പ്രതിരോധ സേനാഗംങ്ങളുടെ ആശ്രിതര്‍ക്ക് മുഖ്യമന്ത്രിയുടെ സൈനികക്ഷേമനിധിയില്‍ നിന്നും പരമാവധി 10 ലക്ഷം വരെ ധനസഹായം അര്‍ഹതയ്ക്ക് വിധേയമായി നല്‍കുന്നു. പാരാമിലിട്ടറി/ GREF വിഭാഗത്തില്‍പെട്ടവര്‍ക്കും ഈ ആനുകൂല്യത്തിന് അര്‍ഹതയുണ്ട്. ഭീകരവാദികള്‍/ തീവ്രവാദികള്‍/ നക്സലൈറ്റുകള്‍ എന്നിവരുമായി ഉണ്ടാകുന്ന ഏറ്റുമുട്ടലില്‍ പ്രതിരോധ സേന/ പാരാ മിലിട്ടറി/ സി എ പി എഫ് വിഭാഗത്തില്‍പെട്ട അംഗവൈകല്യം സംഭവിക്കുന്നവര്‍ക്ക് 3 ലക്ഷം രൂപ വരെയും ധനസഹായത്തിന് അര്‍ഹതയുണ്ട്. |
| 6. കേഡറ്റ് സ്കോളര്‍ഷിപ്പ്‌
സൈനിക അക്കാദമികളിലും സൈനിക നഴ്സിംഗ് കോളേജ്/ സ്കൂള്‍ എന്നിവകളില്‍ നേരിട്ട് പ്രവേശനം നേടി പരിശീലനാന്തരം സേനയില്‍ കമ്മിഷനിംഗ് ലഭിച്ച് സേവനം തുടരുന്ന കേരളീയരായ കാഡറ്റുകള്‍ക്ക് സ്കോളര്‍ഷിപ്പ്‌ നല്‍കി വരുന്നു. സ്കോളര്‍ഷിപ്പ്‌ തുക ഓഫീസര്‍ കാഡറ്റ് – 200,000/- രൂപ നഴ്സിംഗ് കാഡറ്റ് 100,000/- രൂപ |
| 7. ബി.എസ്..എസ് (ബ്രൈറ്റ് സ്റ്റുഡന്റ്റ് സ്ക്കൊളര്‍ഷിപ്പ്)
പഠനത്തില്‍ മിടുക്കരായ വിമുക്തഭടന്മാരുടെ കുട്ടികള്‍ പത്താം തരം മുതല്‍ ബിരുദാനന്തര ബിരുദം വരെയുള്ള കോഴ്സുകള്‍ക്ക് സംസ്ഥാന സര്‍ക്കാര്‍ വാര്‍ഷിക സ്കോളര്‍ഷിപ്പ്‌ (2,500/- രൂപ മുതല്‍ 4,000/- രൂപ വരെ) നല്‍കി വരുന്നു. വാര്‍ഷിക കുടുംബ വരുമാനം 3 ലക്ഷം രൂപയില്‍ കവിയാന്‍ പാടില്ല. വാര്‍ഷികാന്ത്യ പരീക്ഷയില്‍ 50 ശതമാനത്തില്‍ കുറയാതെ മാര്‍ക്ക്‌ വാങ്ങിയവര്‍ക്ക് ഇതിനപേക്ഷിക്കാവുന്നതാണ്. |
| 8. രണ്ടാം ലോക മഹായുദ്ധത്തില്‍ പങ്കെടുത്ത സേനാനികള്‍ക്കും അവരുടെ വിധവകള്‍ക്കും ധനസഹായം
രണ്ടാം ലോക മഹായുദ്ധത്തില്‍ പങ്കെടുത്ത (03.09.1939 നും 01.04.1946 നും ഇടയില്‍ സര്‍വീസിലുണ്ടായിരുന്ന) യോദ്ധാകള്‍ക്കും വിധവകള്‍ക്കും പ്രതിമാസം 8,000/- രൂപ ധനസഹായം നല്‍കുന്നു. പുനര്‍നിയമനം ലഭിച്ചവരും, വാര്‍ഷിക കുടുംബ വരുമാനം 50,000/- രൂപയില്‍ കൂടുതലുള്ളവരും മറ്റ് പെന്‍ഷനുകള്‍ ലഭിക്കുന്നവരും ഇതിനര്‍ഹരല്ല. |
| 9. സ്കോളര്‍ഷിപ്പ്‌
സാങ്കേതികവും തൊഴിലധിഷ്ഠിതവുമായ വിവിധ കോഴ്സുകളില്‍ പഠിക്കുന്ന വിമുക്തഭടന്മാരുടെ മക്കള്‍ക്ക്‌ 3,000/- രൂപ മുതല്‍ 10,000/- രൂപ വരെ സ്കോളര്‍ഷിപ്പ്‌ നിബന്ധനകള്‍ക്ക് വിധേയമായി നല്‍കി വരുന്നു. വാര്‍ഷിക വരുമാന പരിധി ഇല്ല |
| 10. എന്‍ട്രന്‍സ് കോച്ചിംഗിന് സാമ്പത്തിക സഹായം
എഞ്ചിനീയറിംഗ് / മെഡിക്കല്‍ പ്രവേശന പരീക്ഷ എഴുതാന്‍ വിമുക്തഭടന്മാരുടെ കുട്ടിക്ക് 12,000/- രൂപ ക്രമത്തില്‍ നിബന്ധനകള്‍ക്ക് വിധേയമായി സാമ്പത്തിക സഹായം നല്‍കുന്നു. (ആകെ 300 അപേക്ഷകര്‍ക്ക്‌ മാത്രം) |
|
11. പുനരധിവാസ പരിശീലനം വിമുക്തഭടന്മാര്‍ക്കും ആശ്രിതര്‍ക്കും പുനരധിവാസ പരിശീലനം നല്‍കുന്ന സ്ഥാപനങ്ങള്‍ക്ക് ആളൊന്നിന് പരമാവധി 30,000/- രൂപ വരെ നിബന്ധനകള്‍ക്ക് വിധേയമായി നല്കിവരുന്നു. കൂടാതെ വിവിധ മേഖലകളില്‍ തൊഴില്‍ ലഭിക്കുന്നതിന് തൊഴിലധിഷ്ടിത പരിശീലനവും നല്കിവരുന്നു. |
